adoy lamang!
April 10, 2008kalisuders inin ako kinabuhi kuman… grabehers ko da sab kadimalas anhi kuman… sa una dili ako motoo nan malas pero sa yangahitabo sa ako kuman, yaon baya iton dimalas. pagtoo ko da sa yaon da yaon makita ngadto sa buwangan. kalaong ko sa na sa mga sugarol da na bokabularyo ini.
bagan dimalas gayod ako ini kuman na tuig 2008.. sa sugod pa lang nan tuig, mataro na dayon na kahimtang an ako yasugat.. buwag dayon sa uyab.. yagkabalik agaw kami paglabay nan isa ka buwan kapin.. pero kuman na sab na buwan buwag na sab kami.. uno na ini na dagan, bagan babag-babag sa ako.. daog pa nako an hubog na dili makatul-id pagpanaw kay gatuyok na an kalibutan.
sa trabaho sab waray klaro an dagan kay waray ako yakuha na mga kleyente.. grabe kalisod maghanap nan kleyente.. dapat madayaw na garo ako trabaho kuman pero sa tinuoday dili mahitabo.. galaong sila na ipadayon pa daw nila ako pag-employ sa sunod na sais ka buwan.. an pangutana ngad-on kon sa sud sa unom ka buwan ba mahimo ako na regular na sa paniid ko amo da sa bagan gihapon an mahimona dagan nan mga kleyente ko.
